AGS-samkomulagið á áætlun

Þetta eru góðar fréttir og tímabærar.

Gengið styrkist og stutt í vaxtalækkun og lækkun verðbólgu, eins og lagt var upp með. 

Þetta er allt samkvæmt áætlun.   

Samfylkingingin þraut örendið í samstarfi við Sjálfstæðisflokkinn, áður en árangur af áætlun ríkisstjórnarinnar og Alþjóðagjaldeyrissjóðsins fór að koma fram.  Nú ríður á að halda áfram á þessari braut, sem þrátt fyrir stórkarlalega yfirlýsingar Steingríms J. um hið gagnstæða, er að bera árangur.

 

Gengi krónunnar styrkist

Athugasemdir

[Stefán (IP-tala skráð) 18.2.2009 kl. 13:34]

Hver gefst svo sem ekki upp á samstarfi við eiginhagsmunaseggina í Sjálfstæðisflokknum ? Sjálfur dauðskammast ég mín fyrir það í dag að hafa kosið Sjálfstæðisflokkninn.

[Benedikta E, 18.2.2009 kl. 13:54]

Stefán! þú þarft að fara í naflaskoðun - það hjálpar þér ekki að ásaka Sjálfstæðisflokkinn fyrir þína vanlíðan!

[Ragnar Gunnlaugsson, 18.2.2009 kl. 14:36]

Hef aldrei skammast mín fyrir hvað ég hef kosið,enda aldrei kosið Samfylkinguna.

[Héðinn Björnsson, 18.2.2009 kl. 14:50]

Er eitthvað að marka þetta gengi? Ekki get ég allavega fundið neinn banka sem ekki er í eigu íslenska ríkisins sem er tilbúinn að selja manni dollara fyrir íslenskar krónur á þessu gengi. Um leið höftin verða fjarlægð og tekið verður upp svipað vaxtastig á Íslandi og gengur og gerist í nágranalöndunum mun gengið hríðfalla. Ætli slíkt jafnvægisgengi sé fjarri 1€=500 ísk?

[Baldur Fjölnisson, 19.2.2009 kl. 10:11]

Skuldabréf eru seld á gengi. Það þýðir að gengi og ávöxtunarkrafa hreyfast í gagnstæðar áttir. Þegar vextir hækka lækkar gengi bréfanna og öfugt. Þetta þýðir að 6 prósentustiga stýrivaxtahækkun AGS hér í haust var lítið annað en bókhaldstrix til bráðabirgða til að reyna að fela algjört gjaldþrot seðlabanka og ríkissjóðs og raunar þjóðarbúsins alls. Skuldabréfamiðlarar ættu að geta upplýst ykkur um hvaða áhrif td. stýrivaxtalækkun í 8-10% eða lægra myndi hafa á gengi skuldabréfa og þar með skuldastöðu skuldaranna. Það snýst áreiðanlega um hundruði milljarða amk.

[Stefán (IP-tala skráð) 19.2.2009 kl. 10:51]

Takk fyrir að hugsa fallega til mín Benedikta. Mér líður bara vel í dag, enda laus við Sjálfstæðisflokkinn úr ríkisstjórn. Minn gamla flokk sem ég kýs ALDREI aftur !

[Baldur Fjölnisson, 19.2.2009 kl. 13:59]

Það er absalútt lífsnauðsynlegt að stórlækka vexti. Velta í hagkerfinu er að hrynja og verð fellur því ört. Verðhjöðnun er nokkuð sem skuldum hlaðin kerfi þurfa síst af öllu. Hún eyðileggur verðhækkunarmöguleika fyrirtækja, gerir þeim ókleift að hækka laun starfsfólks eða jafnvel halda því í vinnu og gerir fólki og fyrirtækjum erfiðara að standa í skilum. Afleiðingarnar eru að byrja að koma í ljós hér á landi í gjaldþrotahrinu og fjöldaatvinnuleysi. Aðeins vitfirringar myndu halda uppi himinháum stýrivöxtum seðlabanka við slíkar aðstæður, nema ætlunin væri hreinlega að keyra hagkerfið allt á hausinn. En reyndar stýrist þetta fyrst og fremst af skollaleiknum sem ég lýsti í fyrra innleggi, gjaldþrot seðlabanka og ríkissjóðs er náttúrlega mikið feimnismál og vandræðalegt að þurfa að ræða slíkt og því hafa menn reynt að smjörklípa forsmánina út úr myndinni amk. í bili með því að viðhalda þessum háu stýrivöxtum og þar með keyra niður gengi skuldabréfa sem hvíla á þrotabúum seðlabanka og ríkissjóðs. Góðar stundir.