Jón Baldvin og "ljóskan"

Einn helsti vandi Samfylkingarinnar um þessar mundir er ekki staða flokksins í skoðanakönnunum, ekki óljós og ístöðulítil stefna, né innanflokkserjur, heldur fyrrverandi formaður Alþýðuflokksins, forvera Samfylkingarinnar, Jón Baldvin Hannibalsson, sem lætur ekkert tækifæri ónotað til að naga skóinn af flokknum.  Varla var opnað blað, né kveikt á sjónvarpi um helgina að þar væri ekki mættur gamli kratahöfðinginn með yfirlýsingar sínar.  Að sönnu hafði hann skoðun á mörgu, en það sem stendur eftir er stuðningsleysi hans við sinn eigin flokk.  

Í Silfri Egils í gær svaraði hann spurningunni um hvort hann styddi Samfylkinguna í kosningunum í næsta mánuði eitthvað á þann veg að hann væri krati og ætti ekki annarra kosta völ!   Ekki beinlínis sannfærandi stuðningsyfirlýsing við flokkinn.   Hann sem sagt treystir ekki sínu eigin fóstri til að standa sig í landsstjórninni. Í því sambandi má einnig minna á að formaður Samfylkingarinnar Ingibjörg Sólrún Gísladóttir, mat það svo í frægri Keflavíkurræðu að þjóðin treysti ekki þingmönnum flokksins, þannig að þar eru menn svo sem á sama báti. 

Þegar við það bætist að hann hefur ekki meiri trú á núverandi forystumönnum flokksins en að hann íhugaði af fullri alvöru að fara í framboð fyrir Íslandshreyfinguna, eins og kom fram í viðtalinu í Blaðinu!

Síðan þætti mér nú fróðlegt að heyra álit Samfylkingarkvenna á orðum Jóns Baldvins í garð Þorgerðar Katrínar varaformanns Sjálfstæðisflokksins og menntamálaráðherra, sem hann kallaði "ljóskuna í menntamálaráðuneytinu" og kallaði hana Katrínu.  Mundi ekki nafnið hennar!

Hvernig ætla þær að bregðast við þessum orðum.  Ímyndum okkur t.d. viðbrögð Samfylkingarkvenna ef fyrrverandi forystumaður í  Sjálfstæðisflokknum hefði talað svona niður til einhvers kvenframbjóðenda Samfylkingar, t.d. formannsins! 

Það hefði verið hár hvellur, trúið mér!

Athugasemdir

[Hommalega Kvennagullið, 23.4.2007 kl. 11:33]

Samála þér í þessu.  Þessi ræða hans eða viðtal var náttúrulega bara alger skelfing.  Gjörsamlegt virðingarleysi út í eitt og ekki bara í garð stjórnarinnar heldur stjórnarandstöðunnar sömuleiðis.  Ég held að Jóni væri hollast að biðjast afsökunnar á orðum sínum í garð, háttvirts menntamálaráðherra og varaformanns Sjálfstæðisflokksins, Þorgerðar Katrínar Gunnarsdóttur

[Inga Lára Helgadóttir, 23.4.2007 kl. 12:23]

Ég tek undir það að það er ekki mikil kurteysi í hans orðum og þykir mér þessi framkoma hans afskaplega óviðeigandi.... EN þannig finnst mér líka ekki hægt að taka mark á honum varðandi Samfylkinguna. Kannski átti þetta kjánalega orðalag hans allta aðra meiningu á bak við sig en kannski flestir túlkuðu. Mér finnst ekki hægt að tala svona um þann flokk þó að hann hafi sagt þetta !

[Ásta Möller, 23.4.2007 kl. 12:52]

Sæl Inga Lára.  Hér er engu ofaukið sem ekki hefur verið sagt af Samfylkingarfólki eða Jón Baldvin sjálfum. Varðandi stefnu Samfylkingar er ég ekki ein þeirrar skoðunar.  Jón Baldvin verður síðan sjálfur að bera ábyrgð á orðum sínum og biðja Þorgerði afsökunar, ef hann hefur það í sér.  Ásta M  

[Inga Lára Helgadóttir, 23.4.2007 kl. 13:02]

Ég tek vel undir það með þér og mér finnst hann gera lítið úr sjálfum sér með þessu en þeir hafa líka fylgi á bak við sig þó það sé ekki eins mikið og xd megin. En getur verið að það sé ekki til flokkur fyrir ákveðinn hluta samfélagsins ? það eru svo margir eins og ég túlka hann Jón hér, að þeir samhæfi sig ekki með neinum flokki ?

[Svavar Friðriksson (IP-tala skráð) 23.4.2007 kl. 15:07]

Sammála.  Ótrúlega sorglegt fyrir Samfylkinguna.  Þessi ummæli Jóns Baldvins eru ekkert annað en merki um karlrembingshátt og gamaldags sjónarmið.  Kannski ætlaði hann bara að vera fyndinn en mistókst greinilega hrapalega.

[Tómas Þóroddsson, 23.4.2007 kl. 15:11]

Dæmir Jón sig ekki sjálfur. Algjör óþarfi að klína honum á Samfylkinguna, eins og hann segir sjálfur á hann lítið sameiginlegt flokknum.

[Gunnlaugur B Ólafsson, 23.4.2007 kl. 19:38]

Þið verðið að viðurkenna að Jón baldvin er nú með þeim allra flottustu. Í honum bú miklar gáfur og leiftrandi húmor. Frábært að hafa hann á sviðinu. Hann er skemmtilega kryddið í þessu öllu saman. Þó margir dæmi hann hart þá virðast líka allir vera að hlusta eftir því hvað hann hefur til málanna að leggja. Það er frábært að hafa svona originala á bátnum, þegar stjórnmál eru að mestu rekin áfram af ferköntuðum embættismönnum. Og þar er vandi Sjálfstæðisflokksins hvað mestur.

[Sigrún Jóna (IP-tala skráð) 23.4.2007 kl. 21:23]

Óskaplega á þessi Gunnlaugur bágt, að vera að reyna að draga athyglina frá ómekklegum ummæum Jóns Baldvins, inní eitthvað rugl um ímyndaða mannkosti handa téum Jóni.  Eins og gáfur séu bara einum manni gefnar. Er eða var téður Jón, ekki einusinni "ferkantaður stjórnmálamaður og svo embættismaður ríkisstjórnar Íslands. og þá líka þessa flokks sem nefndur er í síðustu málgrein. allavega fóru mínir skattpeninga í að borga leunin hans, og sennilega ennþá í að borga eftirlaunin, sem eru líklega giganisk, miðað við mín eftirlaun. samt er ég viss um að ég hef ekki gert minna fyrir þjóðfélagið en téður Jón. Annars gott hjá honum að hafa seinna nafnið á Jóni með litlum staf!!!

[Stefán Hallgrímsson, 23.4.2007 kl. 23:50]

Runólfur.

Hún er skolhærð, en þegar verið er að vísa til hárlitar ljóshærða kvenna með því að kalla þær ljóskur ,þá vita allir í hvaða átt er verið að fara.... LÍKA Jón Baldvin.  Þannig að ef þú "ert ekki að skilja þetta rok" þá ertu einfaldlega tja... heimskur.

[Stefán Hallgrímsson, 23.4.2007 kl. 23:50]

Runólfur.

Hún er skolhærð, en þegar verið er að vísa til hárlitar ljóshærða kvenna með því að kalla þær ljóskur ,þá vita allir í hvaða átt er verið að fara.... LÍKA Jón Baldvin.  Þannig að ef þú "ert ekki að skilja þetta rok" þá ertu einfaldlega tja... heimskur.

[Steingrímur Helgason, 23.4.2007 kl. 23:59]

Runólfur þarf nú ekki að vera heimskur, þó að hann spyrji að.  Í versta falli fáfróður, en mákse líka bara forvitinn um það hvort að hann sjái ekki ennþá sæmilega.

& óþarfi að tvítaka í bræði sinni, það eru flestir þokkalega læsir hérna.

S.

[Stefán Hallgrímsson, 24.4.2007 kl. 00:30]

dahh sorry það var engin ásetningur í að tvítaka mig... hef ekki hugmynd um hvers vegna það gerðist.

En ég er ekki haldinn neinni bræði.... en viðurkenni þó að það pirrar mig dáltið ef þegar fólk þykist ekkert skilja.  Nú er t.d. ónefndur formaður frjálslyndaflokkins, nokkuð frjálslega vaxinn, en ég efast stórkostlega um að einhver færi að gantast með það, eða reyna að gera lítið úr honum vegna þessa.  Sá sem slít myndi reyna fengi það örugglega óþvegið strax í andlitið.  Að mín viti er verið að gera það sama hérna.  Verið að gera lítið úr konunni vegna hárlitar.

Verð samt að láta einn ljóskubrandara fylgja með  :)

Hafið þið heyrt um ljóshærða refinn sem festist í refagildrunni..?
Hann nagaði þrjár lappir af sér en sat samt fastur.

[Stefán Hallgrímsson, 24.4.2007 kl. 00:31]

dahh sorry það var engin ásetningur í að tvítaka mig... hef ekki hugmynd um hvers vegna það gerðist.

En ég er ekki haldinn neinni bræði.... en viðurkenni þó að það pirrar mig dáltið ef þegar fólk þykist ekkert skilja.  Nú er t.d. ónefndur formaður frjálslyndaflokkins, nokkuð frjálslega vaxinn, en ég efast stórkostlega um að einhver færi að gantast með það, eða reyna að gera lítið úr honum vegna þessa.  Sá sem slít myndi reyna fengi það örugglega óþvegið strax í andlitið.  Að mín viti er verið að gera það sama hérna.  Verið að gera lítið úr konunni vegna hárlitar.

Verð samt að láta einn ljóskubrandara fylgja með  :)

Hafið þið heyrt um ljóshærða refinn sem festist í refagildrunni..?
Hann nagaði þrjár lappir af sér en sat samt fastur.

[Haukur Nikulásson, 24.4.2007 kl. 08:27]

Þið takið þetta tal um ljóskuna allt of alvarlega. Ef þið horfið á þetta myndskeið þá takið þið eftir því að Jón Baldvin mundi bara ekki á þessu augnabliki fyrra nafnið hennar Þorgerðar Katrínar og kallaði hana því í fljótheitum "ljóskuna í menntamálaráðuneytinu, Katrínu". Hann var ekki að reyna niðurlægja konuna. Hefði hann ætlað að gera það hefði Jón Baldvin látið rétta "tóninn" fylgja.

Þetta upphlaup um meintan karlrembuhátt og yfirgengilegan hroka er því meira en lítið yfirskot. Stormur í vatnsglasi yfir saklausri augnabliks gleymsku.

[Haukur Nikulásson, 24.4.2007 kl. 08:31]

Þið takið þetta tal um ljóskuna allt of alvarlega. Ef þið horfið á þetta myndskeið þá takið þið eftir því að Jón Baldvin mundi bara ekki á þessu augnabliki fyrra nafnið hennar Þorgerðar Katrínar og kallaði hana því í fljótheitum "ljóskuna í menntamálaráðuneytinu, Katrínu". Hann var ekki að reyna niðurlægja konuna. Hefði hann ætlað að gera það hefði Jón Baldvin látið rétta "tóninn" fylgja.

Þetta upphlaup um meintan karlrembuhátt og yfirgengilegan hroka er því meira en lítið yfirskot. Stormur í vatnsglasi yfir saklausri augnabliks gleymsku.

[Gunnlaugur B Ólafsson, 24.4.2007 kl. 09:20]

Takk fyrir umhyggjuna Sigrún

Þarft ekki að hafa áhyggjur af mér, ég hef nefnilega góðan húmor fyrir Jóni, en lítið þol fyrir steingeldum farmbjóðendum sem labba um eins og mörgæsir í hvítu skyrtunni sinni og dökku jakkafötunum. Allir af sama sauðahúsi, miðaldra lögfræðingar eða viðskiptafræðingar sem að þora ekki lengra inn á vegi einstaklingshyggju, heldur en örlítinn breytileika í bindisvali.

[Einar Þ. Eyjólfsson, 24.4.2007 kl. 09:57]

Þessi viðkvæmni Sjálfstæðismanna er með hreinum ólíkindum. Það hafa þyngri orð verið látin falla í pólitík en þetta. Legg til að þeir sem eru í sárum áfallahjálp til þess að komast yfir þessi orð Jóns. Held að Sjálfstæðismenn ættu nú frekar að reyna draga athygli fólks að stefnumálum sínum heldur en einhverjum orðum fyrrverandi stjórnmálamanns.

[Sigurjón Pálsson (IP-tala skráð) 24.4.2007 kl. 10:54]

Ekki var nú jafnaðarmennskunni fyrir að fara hjá fyrrverandi formanni Alþýðuflokksins, Jafnaðarmannaflokks Íslands. Svona nokkuð ‘hrekkur’ varla ‘óvart’ upp úr manni með hans reynslu heldur sýnir fremur, undirliggjandi gamaldags kvenfyrirlitningu og minnir óneitanlega á gamla takta sem sami, þá í formannsslag í flokknum, beitti gegn andstæðingi sínum, sem sigruð yfirgaf sviðið með orðunum; ‘minn tími mun koma’.

Beri þetta framferði jafnaðarmennskunni vott, þá verð ég að endurskoða skilning minn á því hugtaki, frá grunni.

Þar sem ég ólst upp hefði það sem henti jafnaðarfrömuðinn gamla þarna verið kallað 'að skíta í nyt sína' og þótti það nú heldur háðuglegt að láta slíkt henda sig. Fyrir þá sem ekki kannast við myndklíkinguna þá á þetta við um mjólkurkú sem eyðileggur nyt sína, afurð, með því að skíta í mjólkurfötuna.

Hvort hann er svo maður til að biðjast afsökunar, sem landsmenn bíða líklega fremur eftir en Þorgerður Katrín, kemur í ljós.