Hvar er VG!

Það var haft á orði í síðustu kosningabaráttu til Alþingis að í hvert sinn sem Steingrímur J opnaði munninn lækkaði fylgi VG!

Eftir því sem skoðanakannanir sýndu aukið fylgi VG þegar líða tók á veturinn sem nú er liðinn, urðu þingmenn flokksins orðvarari, ábyrgari og prúðari í framkomu.  Á þingi var jafnvel talað um að þeir væru farnir að máta sig í ráðherraklæðin og ráðherrastólana!

Í kosningabaráttunni undanfarnar tvær vikur hafa bæði Sjálfstæðisflokkur og Samfylking verið áberandi í umræðu, ekki síst vegna landsfunda sinna um síðustu helgi.

Það hefur skilað sér í auknu fylgi flokkanna í skoðanakönnunum.

Framsókn hefur nýtt sér að þeir hafa ráðherra og ákvarðanir þeirra verið vel kynntar og mælst vel fyrir.  Enda hafa þeir góða reynslu af virkni auglýsinga í kosningabaráttu.

Síðustu vikurnar hefur hins vegar lítið borið á VG og fylgið á leið niður, eins og reyndar flestir bjuggust við.

Nú hljóta þeir að vera í vanda.  Hvort eiga þeir að láta meira eða minna á sér bera?  Hvort skyldi nú virka í þetta sinn, hafandi í huga reynslu síðustu kosninga.

Ja, maður spyr sig!

Athugasemdir

[Jenný Anna Baldursdóttir, 21.4.2007 kl. 18:17]

Það er ekki hægt að vera bæði inni og úti.  Fylgið lækkar ef Steingrímur talar segir þú, nú hefur hann ekki verið að tjá sig mikið undanfarið  og fylgið er að dala smávegis hjá okkur VG og virðist hoppa yfir á Samfó sem voru að halda landsfund og bla..bla..bla. Steingrímur þarf að fara að tjá sig meira.  Er ekki hægt að vera málefnalegur í umræðu um persónur?  Ég held að Steingrímur sem er í öðru sæti á eftir þínum formanni sem sá stjórnmálamður sem fólk ber mest traust til geti engan veginn slegið á gott gengi VG í kosningunum í vor.  Takk fyrir pistil.

[Inga Lára Helgadóttir, 22.4.2007 kl. 00:11]

Kannski þau séu að máta klæði og sæti á þinginu   ...... en ég vil nú samt ekki gera lítið úr þeim, þau eru mjög vel meinandi í mörgu og í einstaka málum mætti taka þau til fyrirmynda.